حاصل پور (ناما نگار/سید خضر عباس گیلانی)حکومت ولوں پیٹرول تے ڈیزل دیاں قیمتاں اچ حالیہ ودھارے دے بعد حاصل پور اچ شہری سراپا احتجاج ہن تے انہاں اچ سخت غم و غصہ پاتا ویندا پئے۔ موقع تے موجود شہریں دا آکھݨ ہا جو ایندے توں پہلے ای مہنگائی پاروں عوام دی قوت خرید بالکل مک چکی اے تے ہݨ پیٹرول و ڈیزل دے ریٹ ودھݨ نال مہنگائی دا ہک نواں طوفان مسلط تھی ویسی۔ پیٹرول مہنگا تھیوݨ نال آٹا، سبزی تے کرایے سمیت ہر شے دی قیمت کوں پر لگ ویندن، جیندے نال سب توں زیادہ مزدور طبقہ متاثر تھیندا پئے۔ شہریں حکومت وقت توں پرزور مطالبہ کیتے جو پیٹرول تے ڈیزل دیاں قیمتاں اچ کیتا ڳیا اضافی ودھارا فوری طور تے واپس گھدا ونڄے تاں جو غریب عوام کوں سکھ دا ساھ مل سڳے