دائرہ دین پناہ (نامہ نگار/فاروق خان)
دائرہ دین پناہ دے نیڑے پیر جگی موڑ توں کوٹ ادو ول ویندے ہوئے دو موٹر سائیکلاں وچکار خوفناک ٹکر تھی ڳئی، جیندے نتیجے وچ ہک شخص موقع تے جاں بحق جبکہ ݙوجھا شدید زخمی تھی ڳیا۔

تفصیلات دے مطابق حادثہ دائرہ دین پناہ دے قریب اوں ویلے پیش آیا جݙاں ݙو موٹر سائیکلاں آپس وچ زوردار طریقے نال ٹکرا ڳئیاں۔ حادثے دا شکار تھیا جاں بحق شخص تے زخمی آپس وچ سڳے بھرا ہن، جیہڑے پیر جگی موڑ دے رہائشی ہن تے کوٹ ادو ول ویندا پئے ہن۔

حادثے دی اطلاع ملدے ہی ریسکیو ٹیمیں موقع تے پہنچ کے جاں بحق تھیوݨ والے شخص دی لاش تے شدید زخمی کوں فوری طبی امداد سانگے ہسپتال منتقل کر ݙتے۔ ایں دردناک واقعے دے بعد علاقے وچ سوگ دی فضا پھیلی ہوئی اے۔